O Museo da Gaita acollerá un obradoiro para aprender a elaborar as máscaras dos follateiros
OurenseXa
Será este sábado, 31 de xaneiro, e está dirixido a nenos e nenas de entre 4 e 12 anos
26 Jan 2026
O Museo da Gaita, en colaboración coa Concellería de Turismo de Barbadás, organiza un obradoiro para que os máis pequenos da familia poidan elaborar as máscaras tradicionais dos follateiros.
A actividade terá lugar o sábado 31 de xaneiro, de 16:30 a 19:30 horas, nas instalacións do Museo da Gaita de Fole. Está dirixida a nenos e nenas de entre 4 e 12 anos.
As persoas interesadas poden inscribirse contactando por correo electrónico en museodagaita@barbadas.es ou chamando ao teléfono 988 360 413.