O Museo da Gaita de Fole de Barbadás pon en marcha un proxecto de recollida musical
OurenseXa
O museo busca persoas que queiran cantar cancións antigas, compartir coplas, romances ou cantigas, poñer en contacto o museo con músicos e músicas do pasado ou ceder temporalmente instrumentos antigos
28 Feb 2026
O Museo da Gaita de Fole de Barbadás iniciou un proxecto para recoller o patrimonio inmaterial vinculado á música tradicional da localidade e invita a veciños e veciñas a colaborar.
O proxecto busca persoas que queiran cantar cancións antigas, compartir coplas, romances ou cantigas, poñer en contacto o museo con músicos e músicas do pasado ou ceder temporalmente instrumentos antigos.
Os interesados en participar poden poñerse en contacto co museo chamando aos teléfonos 610 938 720 ou 699 785 587, ou enviando un correo electrónico a museodagaita@barbadas.gal. A iniciativa pretende preservar e poñer en valor a riqueza musical da tradición local para futuras xeracións.