O Museo de Gaita de Fole acolle este sábado un obradoiro para elaborar un maio
O próximo sábado, 26 de abril, de 16.00 a 19.00 horas, o Museo da Gaita do Fole acollerá un obradoiro especialmente pensado para os máis pequenos da casa. Durante a actividade, os nenos e nenas traballarán con materiais naturais e decorativos para crear o seu propio maio, ao tempo que descubrirán o significado cultural desta tradición que celebra a chegada da primavera.
O obradoiro estará guiado por monitores especializados, que acompañarán aos participantes nun ambiente seguro, dinámico e adaptado ás diferentes idades.
A actividade, dirixida a nenos e nenas de entre 3 e 13 anos, é de acceso libre, mais as prazas son limitadas, polo que se recomenda realizar a inscrición previamente para garantir a participación. As persoas interesada en anotar aos seus fillos e fillas poden facelo a través do teléfono 988 360 413 ou por correo electrónico na dirección museodagaita@barbadas.gal.