Cultura

O ano que entra será Ano Oteriano, polo que a Fundación organizará un programa cargado de novas publicacións, documentais, roteiros, charlas, andainas e moitas outras actividades

Este luns, 29 de decembro, celebrouse a reunión anual do Padroado da Fundación Otero Pedrayo, que este ano que entra se vivirá con especial alegría ao ser 2026 o Ano Oteriano.

A Fundación conmemorará os 50 anos do falecemento do escritor e intelectual, así como o centario da publicación da súa obra ‘Guía de Galicia’, cun programa cargado de novas publicacións, documentais, roteiros, charlas, andainas e moitas outras actividades. Desde a Fundación animan a toda a veciñanza a participar e compartir estes eventos ao longo do ano, que se darán a coñecer proximamente.