O PP de Ourense fai balance do primeiro ano de Luis Menor á fronte da formación
Este domingo cumpríuse un ano desde que Luis Menor foi elixido presidente do Partido Popular de Ourense co respaldo de máis do 93 % dos compromisarios no 19º Congreso Provincial Extraordinario. Doce meses despois, o líder provincial destacou a reestruturación interna como un dos piares do seu mandato.
Desde entón, explicou, o PP ourensán celebrou 17 congresos locais e constituíu cinco xestoras para reforzar a súa organización en diferentes puntos da provincia. Ademais, puxéronse en marcha encontros comarcais coa mocidade que xa mobilizaron a máis de 350 mozos simpatizantes, co obxectivo de rexuvenecer e ampliar a base do partido. Froito deste traballo, no último ano sumáronse máis de 300 novos afiliados.
Menor subliñou que esta estratexia busca ter o partido “preparado, organizado e unido” ante calquera convocatoria electoral. De cara aos próximos comicios municipais de 2027, fixa como obxectivo aumentar as 55 alcaldías actuais, recuperar a maioría absoluta na Deputación Provincial e aspirar de novo a gobernar no Concello de Ourense.
Para o inicio do novo curso político, o PP de Ourense prevé convocar outros cinco congresos locais e crear tres xestoras adicionais. Tamén se celebrarán tres novos encontros xuvenís na Limia, Verín e Valdeorras.
Luis Menor defendeu que toda esta actividade ofrece “unha imaxe de mobilización e fortaleza” que, ao seu xuízo, distingue ao PP fronte a outras formacións. Subliñou que o reto pasa por manter Ourense como referente de apoio electoral dentro de Galicia e a nivel estatal, e confía en que os bos resultados das autonómicas e das europeas reforcen esa posición en Santiago e