O PSdeG de Ourense analiza o auxe da extrema dereita nas redes nunha nova sesión de ‘Conversas na Casa do Pobo’
A Agrupación Municipal do PSdeG-PSOE de Ourense celebrou un encontro aberto á cidadanía dentro do ciclo ‘Conversas na Casa do Pobo’ para reflexionar sobre o crecemento dos discursos de extrema dereita nas redes sociais e o seu impacto entre a mocidade.
A sesión contou coa participación de Lucía de Castro, politóloga especializada en Seguridade Internacional e portavoz socialista en León, quen abordou as dinámicas de difusión destas mensaxes no entorno dixital. Durante a súa intervención, defendeu a necesidade de que as forzas progresistas aposten por unha comunicación máis próxima e directa para contrarrestar os discursos de odio e a violencia de xénero. Tamén sinalou que os algoritmos das plataformas dixitais tenden a favorecer determinados contidos, o que, ao seu xuízo, contribúe a amplificar mensaxes baseadas na confrontación e na desinformación.
No acto participaron tamén a secretaria xeral do partido en Ourense, Natalia González; o secretario de XSO, Miguel Gómez; e o secretario provincial do PSdeG, Álvaro Vila.