O Teatro Principal retoma a programación tras o parón do verán
O Teatro Principal de Ourense retoma a programación cultural despois do verán cun programa que inclúe máis dunha vintena de espectáculos entre obras de teatro, concertos e festivais.
Coas datas e horarios aínda por confirmar, o programa incluirá representacións como a obra 'Don Ramón María Del Valle-Inclán' de Ramón Gómez de la Serna, dirixida por Xavier Alberti e protagonizada por Pedro Casablanc, 'La madre', protagonizada por Aitana Sánchez Gijón, ou 'La Celestina', protagonizada por Anabel Alonso.
Ademais, será o escenario da estrea nacional de 'A Cincenta que non quería comer perdices', unha obra de Sarabela Teatro escrita por Nunila López Salmero e dirixida por Fina Calleja.
Pola súa banda, entre os concertos máis destacados destacan o da Real Filharmónica de Galicia e o de Borja Quintela, que presentará o seu novo disco 'Todo o nada'.
Como xa e tradición, no mes de outubro regresará tamén o Festival Internacional de Teatro de Ourense FITO 2024 e, no Nadal, a programación incluirá diversos espectáculos para todos os públicos.