Os entroidos de Ourense protagonizan a décima edición do ViBoMask
O ViBoMask 2025, o Festival Internacional de Mascaradas Ibéricas, celebrarase do 16 ao 18 de maio en Viana do Bolo e Vilariño de Conso, coa participación de 20 entroidos de Ourense, o que converte á provincia na que máis representacións terá neste festival, que reunirá arredor de 50 mascaradas.
Entre os entroidos de Ourense destacan os Cigarróns de Verín, os Felos de Maceda, os Troteiros de Bande, os Vellarróns de Riós, o Toro e Xigante de Calavente (O Bolo), as Pantallas de Xinzo de Limia, os Peliqueiros, Parrafáns e Vaca do Entroido de Castrelo do Val, os Fulións e Boteiros de Vilariño do Conso, os Fulións e Mázcaras de Buxán, os Fulións e Mázcaras da Mourela (Manzaneda), as Mázcaras da Xironda (Cualedro), os Galos de San Pedro de A Mezquita, os Labardeiros e Señoritas de Mugares (Toén), as Madamitas e Madamitos de Entrimo, as Bonitas de Sande e Cartelle, o Entruido de A Veiga, os Felos e Madamas de Esgos, os Follateiros de Lobios, e os Vellarróns de Riós.
Aparte dos entroidos de Ourense, tamén participarán outros do resto de Galicia e do territorio nacional. A Coruña estará representada polo Entroido de Samede (San Mamede, Paderne) e os Xenerais da Ulla (Concello da Estrada e da Ulla). Desde Lugo chegarán o Entroido Ribeirao (Santiago de Arriba, Chantada) e o Oso, criadas, mozos e danzantes (Salcedo, A Pobra do Brollón). Pola súa parte, Pontevedra estará representada polas Madamas e Galáns de Cobres (Vilaboa) e o Merdeiro de Cangas.
Fóra de Galicia, a representación de Castela e León será unha das máis destacadas, co Antruejo de Carrizo de la Ribera (León), o Antruejo de San Vicente de la Cabeza (Zamora), os Carochos de Riofrío de Aliste (Zamora), a Obisparra de Pobladura de Aliste (Zamora), os Zangarrones de Sanzoles (Zamora), os Visparros de Triufe (Zamora), a Visparra de San Martín de Castañeda (Galende, Zamora), a Talanqueira de Palazuelo de Sayago (Zamora), o Tafarrón de Pozuelo de Tábara (Zamora), e os Toros de El Fresno (Ávila). Ademais, desde Castela-A Mancha sumaranse os Diablos e Mascaritas de Luzón (Guadalaxara) e Estremadura estará presente co Jarramplas de Piornal.
En Asturias, poderase gozar dos Sidros e Comedies de Valdesoto; Cantabria estará representada polos Zamarrones de Los Carabeos (Valdeprado del Río); e no País Vasco, o Entroido de Zalduondo (Zalduondo, Araba). En canto a Portugal, poderanse ver os Caretos de Arcas, Podence e Salsas (Bragança), os Farandoleiros de Castro Laboreiro (Melgaço, Viana do Castelo), e os Caretos de Lazarim (Lamego, Viseu).
A cita terá lugar entre os concellos de Viana do Bolo e Vilariño de Conso, cun extenso programa de actividades.