Os fogos artificiais das Festas de Ourense lanzaranse dende a Ponte do Milenio
As Festas de Ourense 2025 incluirán por primeira vez unha tirada de fogos artificiais desde a Ponte do Milenio. Será nunha dobre sesión, que se desenvolverá na noite do domingo, 22 de xuño, desde as 23:59 horas.
O goberno municipal informa de que está a ultimar os preparativos desta tradicional cita das festas da cidade, que este ano terá como novidade a elección da Ponte do Milenio e que, segundo explican, débese a que esta ”dará unha maior vistosidade ao espectáculo ademais de permitir que o público dispoña dunha zona de visibilidade máis ampla”.
Tamén, di o alcalde, “porán en valor a Ponte do Milenio a nivel de espectáculo. Desde a súa inauguración en 2001 nunca se tiraran os fogos desde alí, e estamos seguros de que é o sitio ideal”.
O público poderá contemplar o espectáculo desde a zona do Ribeiriño, na marxe dereita do río Miño, (lugar desde o que se tiraban os fogos nos anos anteriores), ademais de desde a Ponte Vella, a contorna da Policía Local ou a rúa Pardo de Cela. Porén, non se recomenda o visibilidade desde a marxe esquerda do río.