Os maiores de Allariz participaron esta semana en varias actividades enfocadas a fomentar o envellecemento activo.
Os maiores do municipio de Allariz participaron durante estas semanas en varias actividades enfocadas a promover o envellecemento activo. Así, durante estes días, participaron nun faladoiro na Fundación Vicente Risco, onde o historiador Antonio Blanco achegoulles á historia e cultura galega. Ademais, desfrutaron dunha visita ao Museo do Xoguete guiada por Juan Seara, que lles permitiu lembrar momentos da súa infancia.
Estas actividades forman parte do programa municipal para persoas maiores, que a semana pasada incluiu xornadas interxeracionais e unha ruta circular polo paraxe do Rexo, na que os participantes puideron gozar do entorno natural e da compañía.
Desde o Concello de Allariz valoran positivamente a participación e o entusiasmo dos maiores, e animan a seguir sumando experiencias nos próximos encontros.