Os nenos da Asociación Xuvenil Amencer participaron este sábado no Parlamento infantil
Os nenos da Asociación Xuvenil Amencer participaron este sábado no Parlamento infantil, unha actividade que estivo guiada polo deputado provincial Jorge Pumar destinada a que os máis novos coñezan de primeira man como funciona a Deputación de Ourense. Durante a visita, Pumar guiou aos rapaces polo Salón de Plenos, explicando o seu uso e a súa importancia dentro da actividade institucional.
A proposta, de carácter divulgativo e participativo, pretende achegar o labor das administracións públicas á mocidade, permitindo que comprendan mellor cuestións como o funcionamento dos plenos provinciais ou o papel da Deputación no apoio aos concellos da provincia. Pumar respondeu ás preguntas dos asistentes e destacou o papel da Deputación como “o concello dos concellos”, subliñando a súa función de coordinación e cooperación cos municipios ourensáns.