Os Orzamentos da Deputación de Ourense mobilizan 19 millóns de euros para cooperación cos concellos
O Pleno da Deputación de Ourense aprobou este venres os orzamentos para o ano 2026, que ascenden a 110,475 millóns de euros, a cifra máis alta da súa historia, un importe representa un aumento do 5,11% respecto ao orzamento actual, o que supón 5,375 millóns de euros máis Dentro destes orzamentos, destaca o Plan CooperOU, que mobiliza 19 millóns de euros, un millón máis que o ano anterior.
Por capítulos, no apartado de gastos correntes en bens e servizos asignáronse 28,63 millóns de euros. A área de Medio Ambiente dispón de 8,6 millóns para servizos relacionados co ciclo da auga, tratamento de lixo e zonas verdes. Vías e Obras conta con 4 millóns, mentres que Cultura recibe 3,1 millóns e Deportes preto de 1 millón. O capítulo tamén inclúe partidas para Benestar con 1,2 millóns e Transparencia e Goberno Aberto cunha suba notable, especialmente pola captación de fondos europeos Next Generation, que financian proxectos como “Ourense, cerca de ti”, o padrón on-line para concellos e un plan de capacitación dixital.
No capítulo de transferencias correntes destínanse 20,82 millóns, o 18,85% do total, con partidas para o Consorcio contra Incendios e de Salvamento, o Inorde, acción social, fomento do deporte, Protección Civil, Cultura e o Plan CooperOU. No capítulo de investimentos reais, con 9,80 millóns, destacan 4,5 millóns para a rede de estradas provinciais e investimentos en augas, medio ambiente, cultura, deporte e informática.
Ademais, no capítulo de transferencias de capital, cunha partida de 8,56 millóns, a maior parte está destinada ao Plan CooperOU, así como a subvencións para o plan de regadío da Limia, melloras no abastecemento de auga e obras deportivas en Ribadavia.
No apartado de persoal, asignáronse 42 millóns de euros, incluíndo actualizacións salariais e incremento de persoal para recollida de lixo e carreira profesional.
Durante o debate orzamentario, aprobouse tamén un aumento do Plan CooperOU na parte variable ata 2 millóns máis, que se incorporarán nunha modificación de crédito en abril, así como un incremento dos fondos para o Plan provincial de Vivenda de 500.000 euros a 1,2 millóns.
O pleno tamén validou as bases do Plan CooperOU para 2026, que manteñen a estrutura actual e ofrecen maior flexibilidade aos concellos para xustificar investimentos, evitando perdas de achegas. O reparto basease nunha parte fixa segundo a poboación e outra variable que considera diversos criterios como habitantes, núcleos de poboación, índice de envellecemento e superficie.
En paralelo á aprobación dos orzamentos, o pleno tamén deu luz verde ás bases do Plan CooperOU para 2026, que manterán o mesmo esquema sen cambios. Continúa a modificación feita este ano en canto aos investimentos, o que permitirá aos concellos maior flexibilidade para xustificar os proxectos xa realizados e evitar a perda das achegas provinciais.
En liñas xerais, o programa distribúe os fondos combinando unha parte fixa, que varía segundo a poboación de cada concello (con tramos de ata 1.000, 5.000, 10.000 e 20.000 habitantes e cantidades entre 90.000 e 120.000 euros), e unha parte variable que se reparte tendo en conta a poboación (50 %), os núcleos de poboación (20 %), o índice de envellecemento (15 %) e a superficie do concello (15 %).
Os concellos deberán destinar como mínimo o 40 % da achega provincial a investimentos reais, podendo destinar ata o 60 % a gasto corrente ou amortización de débeda. Con carácter excepcional, e en casos de insuficiencia financeira manifesta, poderán utilizar o 100 % para gasto corrente ou amortización de débeda, así como incluír proxectos que superen o importe dos fondos provinciais, sempre que completen o financiamento por outras vías.
Ademais, aprobáronse as bases do Programa Especial de Cooperación para as obras promovidas polo Concello de Ourense no período 2025-2026, con unha achega provincial de 139.500 euros.