Ourense acolle un ano máis o tradicional mercado de venda de uva

No día de hoxe, 17 de setembro, coincide ademais coa feira ordinaria de Ourense

Campo da Feira, imaxe do Concello de Ourense

Como todos os anos, o Campo da Feira de Ourense acolle nestas datas o mercado de venda de uvas, cada día de luns a domingo, de 8.00 a 22.00 horas. Esta é unha actividade tradicional que se celebra desde tempos inmemoriais no recinto feiral da cidade. Ainda que os puntos de venda son habituais en moitos lugares, o Campo da Feira de Ourense concentra o maior volume destas operacións comerciais na provincia desde sempre.

O mercado, que xa leva uns días funcionando, acostuma prolongarse durante un mes, aproximadamente. No día de hoxe, 17 de setembro, coincide ademais coa feira ordinaria de Ourense.