Ourense arranca a cuarta semana da MITEU con sete novas funcións

A Mostra Internacional de Teatro Universitario de Ourense afronta a súa penúltima semana con sete espectáculos que terán lugar en diversos puntos da cidade.

O martes, 3o de abril, será o turno para a compañía Emulsión Teatro de Cáceres, que presentará 'Brunilda, valquiria, mujer y cantante', no Liceo de Ourense ás 19.00 horas. O mesmo día, ás 20.00 horas, terá lugar no Teatro Principal de Ourense a gala 'Cultura contra a barbarie' en solidariedade con Palestina, que será a décima que Pallasos en Rebeldía, xunto con Culturactiva, organizan en todo ou Estado, para recadar fondos que irán directamente á Franxa de Gaza.

O mércores, 1 de maio, a Aula de Teatro de Burgos (UBU), presentará no Liceo de Ourense, ás 20.00 horas, a obra 'Con-sumo cuidado`, mentres que o 2 de maio serto o turno da Aula de Teatro Universitario da USC de Santiago de Compostela, que levará ao Teatro Principal a peza 'Antropología do bico (a síndrome do túnel carpiano)', que terá lugar ás 20.00 horas.

Pola súa banda, o venres, 3 maio, os alumnos da aula Educación a través da Danza do campus de Ourense presentarán ás 19.30 horas na Praza de San Martiño, se o tempo o permite, a peza 'O xardín das danzas', mentres ás 20.00 horas, no Teatro Principal, terán lugar as 13ª Xornadas de Danza.