Sociedade

Os gaiteiros e cabezudos animarán as rúas do centro durante a mañá e haberá postos de rosquillas e produtos tradicionais no Parque de San lázaro xa dende o sábado

Ourense celebrará este domingo, día 22 de marzo a tradicional festividade de San Lázaro cunha alborada ás 11.45 horas, con gaiteiros e cabezudos polas rúas do Paseo, Santo Domingo e Parque de San Lázaro, e a tradicional Queima das Madamitas, ás 13.00 horas, a cargo da Pirotecnia Josman, fronte á Subdelegación do Goberno.

Previamente, a celebrarase a tradicional misa na honra de San Lázaro que terá lugar ás 11.00 horas na igrexa parroquial de Santo Domingo, seguida da procesión de San Lázaro, que sairá da igrexa de Santo Domingo e continuará pola rúa Santo Domingo, parque de San Lázaro e a rúa Xaquín Lorenzo ata a igrexa dos Franciscanos.

Ademais, durante o sábado e o domingo estarán instalados arredor do Parque de San Lázaro os tradicionais postos de rosquillas, lambetadas, abelás e produtos típicos destas festas.