Ourense premiou as mellores comparsas do Desfile do Entroido de 2025

Miles de persoas achegáronse na tarde de este domingo a presenciar unha das citas máis esperadas do Entroido de Ourense: o desfile de comparsas e carrozas. As rúas de Ourense inundáronse de música e cor nunha xornada que culminou coa entrega de premios, que este ano repartiron máis de 6.000 euros entre os participantes.

O maior recoñecemento foi a para a comparsa ‘As damas de León’, cun premio de 1.500 euros, seguida de ‘O patio dos Lolailos’, con 1.000 euros, e ‘Fantasía Alada’, con 800 euros. As tres competían na categoría de comparsas de máis de 10 participantes. Pola súa conta, ‘Os trasnos de Aspanas’,  ‘Perfectamente imperfecto’, ‘Os rexoubeiros-Anubis’, ‘O circo de  Estilo Libre’, leváronse o cuarto premio, con 500 euros cada unha.

En canto ás comparsas de menos de dez compoñentes, o primeiro premio foi para ‘Os homes do caracol’, con 500 euros’. ‘Circo Estilo libre’ levouse o premio especial á comparsa máis numerosa (con 500 euros), mentres ‘Ourenprix’ logrou o recoñecemento á máis enxeñosa, con outros 500 euros. En canto ás carrozas, o primeiro premio ao mellor deseño, execución e posta en escena, foi para ‘Ciklón’, con 1.000 euros.