Infraestructuras

A actuación contou cun financiamento de 41.135 euros achegados pola Deputación de Ourense

O Concello de Paderne de Allariz concluíu hai uns días os traballos de renovación das redes de saneamento, pluviais e abastecemento no núcleo de Vilameá.

A actuación contou cun financiamento de 41.135 euros achegados pola Deputación de Ourense a través do Plan Provincial de Cooperación ás obras e servizos municipais.

As obras tiveron como obxectivo modernizar as infraestruturas básicas da parroquia, mellorando a capacidade das redes e garantindo un servizo máis eficiente para a veciñanza.

Coa finalización destes traballos, o Concello continúa avanzando na mellora das súas infraestruturas municipais e na actualización dos servizos básicos nas distintas localidades do municipio.