Pereiro de Aguiar organiza este xoves un Obradoiro de Compadres
O Concello de Pereiro de Aguiar comeza este xoves os preparativos do Entroido de 2026, que este ano contará con talleres para nenos e nenas e un gran desfile de disfraces, aberto a todos os públicos, que se celebrará o sábado 14 de febreiro e para o cal xa están abertas as inscricións.
A primeira das actividades será este 5 de febreiro ás 17:00 horas na Biblioteca Municipal, cun obradoiro de Compadres dirixido a nenos e nenas de entre 5 e 10 anos. As inscricións poden realizarse por WhatsApp no 685 528 538, por teléfono no 988 259 839, ou por correo electrónico, a través da dirección cultura@pereiro.gal.
Ademais, dende o Concello fan un chamamento a toda a veciñanza a enviar as fotos dos seus mecos de Entroido, que serán publicadas nas redes sociais.