Preto de 1.200 rapaces e rapazas participaron no programa ‘A Tope na Ponte do Entroido’ da Asociación Amencer
A Asociación Amencer puxo fin, un ano máis, ao seu programa de conciliación ‘A Tope na Ponte de Entroido’, no que participaron un total de 1.196 rapaces e rapazas de Ourense. En total, este ano, a asociación ofertou 46 actividades abertas a toda mocidade, e outras 6 de organización interna de Amencer.
Entre as actividades levadas a cabo nesta edición houbo obradoiros de Entroido, xornadas lúdicas con xogos populares, deportes e festas abertas nas que os rapaces e rapazas de Ourense foron os protagonistas cos seus disfraces.
O programa ten como obxectivo fundamental favorecer a conciliación e ser un lugar de encontro para a mocidade, co obxectivo de favorecer o encontro entre a rapazada da cidade, así como impulsar a celebración das festas populares.