Preto de 800 nenos participan este verán no Campamento Urbano de Ourense
Preto de 800 nenos participan este verán no Campamento Urbano de Ourense, organizado pola Asociación Xuvenil Amencer en colaboración co Concello. Esta edición, a número 38, está a ser a que máis inscritos ten ata o momento.
O alcalde de Ourense, Gonzalo Pérez Jácome, e a concelleira de Xuventude, Tamara Sil-va, recibíronos esta mañá nas escaleiras de Santa María Nai. O campamento ofrece activi-dades gratuítas para rapaces e rapazas entre 8 e 16 anos, desde o 1 ata o 13 de agosto, baixo o lema “Unha historia con futuro”.
Nesta edición participan case 800 nenos e nenas, aos que se suman outros 93 no Campa-mento Urbano Xuvenil, así como un total de 99 voluntarios que fan posible o desenvol-vemento das actividades.
Ata agora, os participantes gozaron de xornadas dedicadas á benvida, cultura urbana, a provincia e diferentes xuntanzas. Hoxe visitan o centro histórico da cidade e realizan xo-gos por diversas zonas do casco urbano. A próxima semana continuarán coas actividades, entre as que destacan o Día dos Parques, o Día da Auga e o Día da Despedida.