Axenda

Trátase dun espectáculo didáctico sobre a arte dos malabares, a cargo de Fraga dos Mouros

Quintela de Leirado acollerá o luns, 22 de decembro, o espectáculo de novo circo ‘Ciencias Malabarísticas’, a cargo de Fraga dos Mouros. Será no Edificio Multiusos de 12:00 a 13:00 horas, con entrada libre e aberta a todos os públicos.

Trátase dunha proposta didáctica e orixinal en torno á arte dos malabares. Nel, un profesor de ciencias algo torpe e despistado ten un desafío constante contra a gravidade e constrúe un universo a través dos lanzamentos dos malabares, onde as matemáticas marcan as leis do movemento.