Regresan as actividades á Casa dos Oficios de Taboadela
A Casa de Oficios de Taboadela recupera a súa programación de obradoiros, que se desenvolverán entre outubro e maio e que volven a ofrecer un espazo para a aprendizaxe e a creatividade arredor de diferentes disciplinas tradicionais.
As actividades previstas inclúen clases de ganchillo, que terán lugar os sábados de 16:00 a 18:00 horas cun custo mensual de 15 euros. O taller de restauración e reciclaxe celebrarase os venres en dobre quenda (16:00 a 18:00 e 19:00 a 21:00 horas) cunha cota de 30 euros ao mes. Pola súa parte, a cestería contará con dúas sesións semanais: os venres de 17:00 a 20:00 horas e os domingos de 10:00 a 13:00.
As persoas interesadas en participar poden reservar praza chamando ao 662 661 425 ou achegándose directamente á Casa de Oficios.