Renfe recuperará a partir do próximo 17 de decembro os Alvia Lugo-Madrid

Así o anunciou a compañía, unha vez esta realizou a habilitación dos maquinistas tanto en vehículos como na renovada infraestrutura entre Ourense e Monforte

Renfe recuperará a partir do próximo 17 de decembro os Alvia Lugo-Madrid sen transbordos por estrada.

Así o anunciou a compañía, unha vez esta realizou a habilitación dos maquinistas tanto en vehículos como na renovada infraestrutura entre Ourense e Monforte, esixida pola normativa en materia de seguridade ferroviaria.

Ademais, desde o 15 de decembro tamén volverán circular sen necesidade de realizar transbordo por estrada a Media Distancia A Coruña-Ourense, Vigo-Ourense-Ponferrada, Ourense-Ponferrada e Ourense-Lugo.