San Cibrao das Viñas acolle unha nova edición dos seus obradoiros de memoria
O Concello de San Cibrao das Viñas, en colaboración coa Fundación Dorzán e AFAOR, pon en marcha unha nova edición de obradoiros de memoria en diferentes localidades do municipio. Esta iniciativa busca mellorar a calidade de vida das persoas maiores e contribuír a previr ou atrasar o desenvolvemento de enfermidades como o Alzheimer e outras demencias.
Os obradoiros impartiranse en San Cibrao os luns de 16:00 a 17:30, en Soutopenedo tamén os luns pero de 17:45 a 19:15, e en Currás os luns de 18:00 a 19:30. En Santa Cruz serán os martes de 16:00 a 17:30, en Picouto os xoves de 16:00 a 17:30, e en Ponte Noalla os venres de 16:00 a 17:30.
As inscricións están abertas do 26 ao 29 de xaneiro e pódense realizar de forma presencial no Concello ou chamando ao teléfono 988 381 034.