San Cibrao das Viñas recibirá a visita dos Reis Magos este domingo
OurenseXa
Haberá inchables e chocolate con churros, e os nenos e nenas terán a oportunidade de sacarse fotos con Melchor, Gaspar e Baltasar e facerlles chegar as súas peticións
2 Jan 2026
O Concello de San Cibrao das Viñas acollerá este domingo, 4 de xaneiro, a visita dos Reis Magos de Oriente, unha cita pensada para que os máis pequenos poidan vivir unha tarde chea de ilusión en familia.
O encontro terá lugar a partir das 18.00 horas no Pavillón Municipal, onde se organizarán diferentes actividades para o público infantil. Durante a xornada haberá inchables e chocolate con churros, creando un ambiente festivo para todas as idades.
Ademais, os nenos e nenas terán a oportunidade de sacarse fotos con Melchor, Gaspar e Baltasar e facerlles chegar persoalmente as súas peticións, nunha tarde marcada pola maxia do Nadal e a convivencia veciñal.