SEDAR inaugura en Ourense o curso “Soporte Vital Avanzado”
OurenseXa
O obxectivo deste curso, dirixido a 16 profesionais sanitarios de toda Galicia, é o de capacitar aos alumnos para identificar as causas do paro cardíaco
SEDAR inaugura en Ourense o curso “Soporte Vital Avanzado”
5 Abr 2024
Este venres, 5 de abril, inaugúrase o curso de “Soporte Vital Avanzado” organizado pola SEDAR (Sociedade Española de Anestesioloxía, Reanimación e terapéutica da Dor) e recoñecido pola ERC (European Resuscitation Council) baixo a Dirección do Anestesista da Clínica Universitaria de Navarra, Pablo Monedero, e a participación do anestesistas do Hospital Universitario de Ourense, Concepción Alonso e Pablo González Montes.
O obxectivo deste curso, eminentemente práctico, dirixido a 16 profesionais sanitarios de toda Galicia, é o de capacitar aos alumnos para identificar as causas do paro cardíaco, recoñecer aos pacientes en perigo de deterioración e manexar tanto o paro cardíaco como os problemas "peri paro" que se atopan na primeira hora aproximadamente despois da reanimación inicial dun paro cardíaco, segundo os algoritmos de Soporte Vital Avanzado do ERC.