Sociedade | Axenda

Será este sábado, 28 de febreiro, no Centro Cívico

O Centro Cívico de Seixalbo será escenario o vindeiro sábado 28 de febreiro dun obradoiro gratuíto de iniciación ao atado e lanzamento de mosca, dirixido a persoas de todas as idades. A actividade está organizada polo comité galego de AEMS - Ríos con Vida e desenvolverase de 10:00 a 13:00 horas.

Durante a xornada, expertos montadores e lanzadores axudarán ás persoas participantes a afianzar os seus coñecementos nun contorno práctico. O obradoiro abordará aspectos básicos da montaxe de imitacións e as técnicas de lanzamento, co obxectivo de achegar esta modalidade de pesca a quen desexe iniciarse.