Axenda

A función terá lugar este venres no Campo do Souto

Este venres 8 de agosto, ás 21:00 horas, The Sastre Teatro leva a Amoeiro a súa obra de teatro ‘Deus non quere calderilla’. A función terá lugar no Campo do Souto e o acceso será totalmente gratuíto.

A comedia xira arredor de Mateo, un emigrante que regresa á súa casa natal onde viven as súas dúas irmás solteiras, Salomé e Raquel, dúas mulleres moi devotas que acoden diariamente á igrexa. Ambas intentan, con diferentes artimañas, conseguir que o seu irmán doe a maior cantidade posible de diñeiro durante as misas dominicais, para así manter o seu estatus social dentro da comunidade.