Cultura

O novo espectáculo, que mestura personaxes reais e virtuais, inicia a súa xira en Pontevedra e percorrerá toda Galicia

Xosé A. Touriñán e David Perdomo volven unirse para ofrecer unha nova proposta teatral tras o éxito de 'Corentena', que o ano pasado acadou un grande seguimento ao recoller as conversas cómicas que os dous cómicos mantiveron durante a pandemia en Instagram. Baixo o título de 'Corentena · Game Over', a súa nova xira promete mesturar dúas realidades: a dos personaxes reais no escenario e a doutros que aparecerán a través dun videoxogo creado especialmente para a ocasión, onde o público terá a oportunidade de interactuar.

O espectáculo inicia un emocionante camiño en busca do remedio para os problemas do futuro, cunha viaxe repleta de obstáculos, seres estraños e personaxes xa coñecidos, todo no marco dunha fábula de aventuras. O auditorio da sede de Afundación en Pontevedra será o primeiro en acoller esta estrea o venres 7 de marzo, e a xira levará a 'Corentena · Game Over' a diversas cidades de Galicia como Ourense, Burela, A Coruña, Vilalba, Vigo, O Grove e Lugo.

O espectáculo é unha coprodución de Ainé e conta coa participación de David Perdomo e Xosé A. Touriñán na creación dos textos, xunto a un equipo de profesionais da iluminación e deseño audiovisual. Corentena · Game Over aspira a repetir o éxito da primeira parte, que atraeu a máis de 20.000 espectadores no 2024.

DATAS
• Pontevedra · 7 de marzo
• Ourense · 8 de marzo
• Burela · 14 de marzo
• A Coruña · 29 de marzo
• Vilalba · 11 de abril
• Vigo · 12 de abril
• O Grove · 2 de maio
• Lugo · 6 de xuño