Axenda

O campamento, dirixido a nenos e nenas de entre 9 e 13 anos, terá lugar os días 22 e 23 de decembro

Este venres é o último día para apuntarse no Campamento Dixital de Nadal que se celebrará os días 22 e 23 de decembro na Casa da Mocidade de Allariz.

O campamento, dirixido a nenos e nenas de entre 9 e 13 anos, desenvolverase de 9:00 a 14:00 horas e ofrecerá actividades de creatividade, tecnoloxía e diversión. A participación é totalmente de balde, aínda que as prazas son limitadas.

As inscricións poden facerse ata hoxe nas dependencias de Servizos Sociais de Allariz. Para máis información, pódese chamar ao 988 554 059 ou escribir ao correo fogardosmaiores@allariz.gal
.