Axenda

Será este martes, 15 de xullo, no antigo local de Abanca

Este martes, 15 de xullo Xunqueira de Ambía será escenario dunha nova actividade do Programa Rosalía, centrado en promover a saúde, a autoestima e o benestar con perspectiva de xénero. Nesta ocasión, a sesión combinará ioga e pilates cunha charla sobre a importancia da alimentación ao longo do ciclo vital das mulleres.

A actividade celebrarase no antigo local de Abanca, ás 18:00 horas, e está aberta a todas as mulleres interesadas de forma gratuíta. O obxectivo é ofrecer un espazo para coidarse, aprender e compartir experiencias desde unha mirada feminista.

As persoas interesadas poden obter máis información no seu concello ou no teléfono 685 211 882.