300 deportistas participaron en Ourense no Campionato Nacional de Fútbol Sala de Special Olympics Galicia
O Pazo dos Deportes Paco Paz de Ourense acolleu este fin de semana o Campionato Nacional de Fútbol Sala de Special Olympics Galicia, convertendo durante catro días a cidade nun referente estatal do deporte inclusivo, reunindo a deportistas con discapacidade de todo o país.
Arredor de 300 deportistas participaron no evento, acompañados por 55 adestradores, así como 55 voluntarios e persoal técnico. En total competiron 17 entidades procedentes de distintas comunidades autónomas, distribuídas en tres niveis de xogo.
Galicia estivo representada por once equipos, entre eles ASPANANE, Nosa Señora de Chamorro, ASPANAS, ASPNAIS, ASPAS, San Francisco, Fundación ADCOR, Fundación Eu Son, PRODEME, As Burgas e Con Eles. Ademais, participaron sete equipos procedentes doutras rexións, como FEAPS La Rioja, La Torreta, Asprodis e Fundación Espurna (Comunidade Valenciana), Plena Inclusión Canarias, ASPRONA Bierzo e Special Olympics Aragón.