Asociacións | Actualidade

Está dirixido aos nenos e nenas do CEIP Saco e Arce de Toén

A Asociación Cultural Entroido de Mugares organiza por primeira vez un Concurso de Deseño do cartel do Entroido 2025, dirixido ao alumnado do CEIP Saco e Arce de Toén. Este ano, serán os rapaces e rapazas deste centro os encargados de realiza o cartel oficial desta festa, declarada de Interés Turístico Provincial.

A iniciativa, explican desde a Asociación, é posible grazas á colaboración do profesorado do centro, o Concello de Toén e, especialmente, á libraría Moraima, patrocinadora do evento, que será a encargada de outorgar o premio final ao gañador ou gañadora deste concurso.

O xurado reunirase o vindeiro día 25, cando se coñecerá a imaxe gañadora deste certame.