A CHMS comete a consulta pública a mellora do saneamento na Peroxa
A Confederación Hidrográfica do Miño-Sil (CHMS) iniciou o período de información pública do proxecto de mellora do sistema de saneamento e depuración no municipio da Peroxa, cun investimento superior aos 553.000 euros.
O obxectivo da iniciativa é optimizar a recollida e tratamento de augas residuais, garantindo unha xestión máis eficaz e sostible dos recursos hídricos na zona. O proxecto estará dispoñible para consulta durante 20 días hábiles, a partir do día seguinte á publicación do anuncio oficial nos boletíns correspondentes, neste caso desde o 20 de marzo ata o 20 de abril de 2026.
As persoas interesadas poderán revisar a documentación nas oficinas da CHMS, previo contacto no teléfono 988 399 422, ou a través da web do organismo, onde tamén poderán presentar alegacións ou observacións sobre o plan.
Con esta medida, a CHMS busca implicar a cidadanía e garantir a transparencia na execución de proxectos que afectan á calidade ambiental e á infraestrutura local de saneamento.