A Deputación de Ourense incrementa nun 25 % as axudas a deportistas individuais
A Deputación de Ourense aprobou este ano un aumento do orzamento destinado ás subvencións para deportistas ourensáns en modalidades deportivas individuais, alcanzando un total de 50.000 euros para a tempada 2024-2025. Esta cifra supón un incremento de 10.000 euros respecto ao ano anterior, o que representa un crecemento do 25 %.
Este aumento forma parte dunha estratexia progresiva da Deputación para reforzar o apoio ao deporte local, cun incremento acumulado do 66,67 % no que vai de mandato. O obxectivo é fomentar a práctica deportiva, recoñecer a traxectoria e o esforzo dos deportistas ourensáns e promover a proxección do deporte provincial.
Poderán beneficiarse destas axudas os deportistas federados en categorías desde base ata absoluta, vinculados a clubs da provincia ou, no seu defecto, aqueles que compitan en modalidades sen clubs adecuados ao seu nivel. O prazo para presentar solicitudes estará aberto ata o 27 de febreiro de 2026.