A execución de obras ocasionará restricións de tráfico na rúa do Progreso a partir deste luns
OurenseXa
O treito afectado é o comprendido entre a baixada á Praza de Abastos e a rúa Parada Justel
Praza de Abastos, Ourense
18 Ago 2024
A execución de obras de mantemento e conservación do pavimento requirirá realizar restricións de tráfico na rúa do Progreso, no treito comprendido entre a baixada á Praza de Abastos e a rúa Parada Justel, desde o luns, 19, até o venres, 23 de agosto.
O tráfico procedente do Xardín do Posío que desexe avanzar cara ao centro da cidade desviarase a través da baixada á Praza de Abastos, a rúa Tras Alameda e Parada Justel. Os vehículos procedentes do centro da cidade que desexen avanzar cara ao Xardín do Posío pola zona de obras, poderán facelo utilizando os carrís que se habiliten en cada momento.