A marcha cicloturista de Special Olympics Galicia pasará por Pereiro de Aguiar
OurenseXa
Será este venres, 3 de outubro, no Pavillón Municipal A Chaira
29 Sep 2025
A décimo terceira edición da marcha cicloturista de Special Olympics Galicia, un evento no que os protagonistas son as persoas con discapacidade intelectual, terá lugar do 2 ao 5 de outubro e fará parada en Pereiro de Aguiar o día 3.
O programa arrincará o 2 de outubro no pavillón municipal de Barreiros e continuará o 3 cun percorrido con saída desde o Pavillón Municipal A Chaira de Pereiro de Aguiar, a partir das 10:30 horas. O día 4 o itinerario trasladarase á Praza do Obradoiro en Santiago de Compostela e, finalmente, a marcha pecharase o 5 de outubro na Praza da II República de Vilagarcía de Arousa.
A actividade ten por obxectivo promover o deporte inclusivo e visibiliza o talento e esforzo das persoas con discapacidade intelectual.