A neve regresa á Praza de Biso Cesáreo por Noiteboa
O programa de Nadal do Concello de Ourense continúa este martes, 24 de decembro, con actividades dirixidas especialmente aos nenos e nenas da cidade, que poderán gozar dun dos espectáculos con máis éxito do Nadal: a neve na Praza de Bispo Cesáreo, que comezará a caer ás 19.00 horas.
Ademais, Papá Noel estará no Poboado de Nadal recibindo a todos os nenos e nenas que queiran achegarse para trasladarlle os seus desexos para esta Noiteboa. A recepción será de 17.00 a 20.00 horas.
Pola súa banda, durante toda a mañá, a carroza musical paseará polas rúas da cidade, neste caso a cargo do grupo Etiqueta Negra.
Tamén continúan o Poboado de Nadal en Bispo Cesáreo, o Carrusel na Praza Maior, as atraccións infantís no Xardín do Posío, o Mercado de Nadal no Parque de San Lázaro e o Belén de Arturo Baltar na Praza de San Come.