A partir deste martes os usuarios do Ximnasio Municipal de Amoeiro deberán inscribirse para usar as instalacións
OurenseXa
As novas instalacións estarán abertas todos os días do ano en horario continuado de mañá e de tarde
Novo Ximnasio Municipal de Amoeiro
31 Mar 2025
O novo Ximnasio Municipal de Amoeiro, situado no Pavillón de Deportes, estará aberto a partir deste martes todos os días do ano entre as 9.30 e as 23.00 horas. Logo dun mes de proba, o Concello avisa de que, a partir do 1 de abril, os usuarios que queiran facer uso das novas instalacións deberán inscribirse obrigatoriamente e pagar a taxa correspondente.
As inscricións, que están abertas tanto para persoas empadroadas no Concello como para a cidadanía en xeral, poden formalizarse no propio Ximnasio Municipal e o pagamento realizarase na Oficina de Recadación de Amoeiro.