Deportes

A proba, integrada no Trofeo Café Candelas, chega ‘un ano máis’ ao municipio e xa ten abertas as inscricións

A Liga Galega da Moto de Campo elixiu A Peroxa como punto de saída da súa tempada 2026. O municipio ourensán acollerá o Enduro A Peroxa o 8 de febreiro de 2026, a primeira cita do calendario, dentro do Trofeo Café Candelas, segundo avanzou a organización nas súas redes sociais.

Xunto ao anuncio da proba, a Liga lembrou tamén cambios organizativos para este ano. En concreto, indicou que as persoas pilotos que solicitaron dorsal para toda a tempada deberán incorporar ao carón do número os logotipos de Liga, Café Candelas e Dunlop.

As inscricións xa están dispoñibles a través da páxina oficial, onde tamén se centraliza a información práctica da competición.