A subdelegación do Goberno e a Facultade de Dereito do campus de Ourense reforzan a colaboración
O subdelegado do Goberno en Ourense, Eladio Santos, celebrou a “intensa colaboración” da Subdelegación do Goberno coa Facultade de Dereito do Campus de Ourense da Universidade de Vigo para “formar profesionais que traballan ao servizo da sociedade e do estado de dereito”.
Eladio Santos recibiu á decana de Dereito, Susana Álvarez, coa que fixo seguimento do convenio mediante o cal o alumnado da facultade fai prácticas na Subdelegación do Goberno en Ourense. Ambos valoraron “moi positivamente” este programa porque os estudantes pasan por moitos departamentos obtendo así unha formación moi completa.
Tamén abordaron as microcredenciais do campus de Ourense, novos cursos ofertados pola Facultade de Dereito homologados a nivel europeo para especializarse en diferentes asuntos como a violencia de xénero, estranxeiría, sancións, etc. “Comeza un campo de colaboración moi interesante que abre a universidade á sociedade, con múltiples beneficios como a mellora na conciliación”, asegurou Eladio Santos.