Deportes

A carreira absoluta pechou o prazo ao chegar ao límite de 450 corredores mentres que ata o 17 poderán seguir anotándose corredores das probas escolares e Pitufos

A Carreira do Nadal de San Cibrao das Viñas, que terá lugar o 21 de decembro de 2025, xa conta con máis de 600 inscritos en todas as súas probas. A carreira absoluta de 10 km pechou o prazo ao chegar ao límite de 450 corredores, mentres que as probas escolares e a dos Pitufos continúan con prazas dispoñibles ata o 17 de decembro.

Os participantes poderán correr cunha camiseta oficial da carreira, que se entrega con cada inscrición. As distancias van desde os 150 metros para os máis pequenos ata os 10 km para os adultos. O prazo para inscribirse está aberto ata as 23:59 horas do mércores 17 de decembro.