Abren as inscricións para a XVII Andaina Popular de San Cibrao das Viñas
O Concello de San Cibrao das Viñas organiza o domingo 14 de setembro a XVII Andaina Popular 2025, unha ruta circular de 11 km que partirá da Área Recreativa da Boutureira (Ourense) ás 10:30 horas.
Todos os participantes recibirán un agasallo conmemorativo, así como un bocadillo e bebida, e tamén haberá opción de ticket de polbo. As inscricións abren este martes 25 de agosto, podendo facerse a través da web do Concello ou presencialmente nas instalacións municipais. A participación estará limitada a 300 persoas.
Ademais, haberá premios para os clubs máis numerosos e un sorteo de agasallos entre todos os participantes, facendo desta actividade unha xornada deportiva e lúdica aberta a toda a veciñanza.
Para máis información, pódese contactar a través do teléfono 608 275 776 ou do correo electrónico deportes@sancibrao.es.