Abren as inscricións para o Campamento Multideporte e o Campus UD Barbadás de Semana Santa
OurenseXa
O Campamento Multideporte está dirixido a menores de entre 3 e 12 anos, mentres que o Campus UD está pensado para mozos e mozas de 5 a 15 anos
22 Feb 2026
O Concello de Barbadás anunciou a apertura de inscricións para estas dúas propostas deportivas destinadas a nenos e nenas durante as vacacións de Semana Santa: o Campamento Multideporte e o Campus UD Barbadás.
Ambos desenvolveranse os días 30 e 31 de marzo e 1 de abril, en horario de 10:00 a 14:00 horas, con posibilidade de servizo de madrugadores de 9:00 a 10:00 horas.
En canto aos prezos, o Campamento Multideporte terá un custo de 55 euros para os nenos e nenas empadroados en Barbadás e 70 euros para o resto. Pola súa banda, o Campus UD custará 65 euros para empadroados ou xogadores da UD Barbadás e 80 euros para os demais participantes.