Allariz acolle o derradeiro seminario do programa ‘Mareas de Coñecemento’ da Universidade de Vigo
Os vindeiros mércores 28 e xoves 29 de maio, celebrarase en Allariz o último seminario do progra-ma Universitario de Maiores ‘Mareas de Coñecemento’, promovido pola Universidade de Vigo e dirixido especialmente a persoas maiores de 50 anos.
Baixo o título ‘O que sempre quixeches saber sobre os tributos... e nunca te atreviches a pre-guntar’, esta actividade formativa terá lugar ás 16:00 horas na sede da Asociación de Veciños de San Vitoiro. O seminario será impartido por profesorado da Universidade de Vigo e está aberto a todas as persoas interesadas, con vontade de aprender e resolver dúbidas sobre o funcionamento do sistema tributario.
A proposta busca ofrecer un espazo accesible e didáctico para compartir coñecemento e fomentar a aprendizaxe continua nun ambiente próximo e participativo.
Para máis información, as persoas interesadas poden dirixirse ao Fogar dos Maiores de Allariz ou chamar ao teléfono 988 554 059.