Álvaro Vila, terceiro candidato á Secretaría Xeral do PSdeG de Ourense
Álvaro Vila, Patricia Domínguez e Rafael Rodríguez Villarino competirán pola Secretaría Xeral do PSdeG-PSOE de Ourense. O alcalde de Taboadela e actual voceiro socialista na Deputación foi o último en confirmar a súa precandidatura, este mesmo mércores, despois de que na tarde do martes o fixese a alcaldesa da Pobra de Trives.
Pertenecente á chamada “terceira vía”, Vila busca o consenso dentro do socialismo provincial. Domínguez, pola súa banda, conta co aval da executiva galega liderada por José Ramón Gómez Besteiro e aposta tamén pola integración e o entendemento entre os socialistas. Villarino, pola súa parte, aseguraba tras anunciar a súa candidatura que o seu principal obxectivo non é outro que lograr “unha provincia máis democrática”.
O prazo para presentar candidaturas está aberto ata mañá, polo que non se descarta totalmente que poida xurdir algún candidato de última hora ou que un dos tres presentados cause baixa.