As mancomunidades de Terras de Celanova, Verín, O Carballiño e O Ribeiro verán reforzados os servizos de prevención de incendios

O Consello da Xunta autorizou a sinatura dun convenio de máis dun millón de euros que contempla a entrega de catro máquinas hidrostáticas destinadas á prevención e á extinción de incendios forestais

O Consello da Xunta autorizou este luns a sinatura do convenio entre a Consellería do Medio Rural, a Mancomunidade Intermunicipal Voluntaria do Ribeiro, a Mancomunidade de municipios da comarca de Verín, a Mancomunidade de municipios da comarca do Carballiño e a Mancomunidade Intermunicipal Voluntaria da Terra de Celanova, co obxectivo de reforzar os servizos de prevención de incendios.

O acordo, cun investimento de 1.304.666 euros, contempla a entrega de catro máquinas hidrostáticas destinadas á prevención e á extinción de incendios forestais, unha para cada mancomunidade.