Universidade

A actividade, na que poden participar persoas da comunidade universitaria e de fóra dela, retomará a programación o vindeiro cuadrimestre

As rutas culturais da UVigo remataron esta  fin de semana cun percorrido polo concello ourensán de Nogueira de Ramuín, na Ribeira Sacra, e un magosto.

Con este percorrido remata a programación de andainas culturais deste primeiro cuadrimestre da Universidade de Vigo, que arrancou o pasado 26 de outubro, baixo o título Roteiro de Praias de Portugal (Caminha-Portugal). Seguiulle o 9 de novembro o itinerario Cultura e Natureza (Montederramo-Macizo Central) e o día 30 do mesmo mes a ruta Camiño Patrimonial e Etnográfico (Silleda-Terras do Deza), destacando desde a organización a boa acollida de cada unha destas propostas entre o público, tanto entre a comunidade universitaria como a cidadanía en xeral.

O campus de Ourense, a través da Área de Benestar, Saúde e Deporte, retomará o vindeiro curso esta actividade que leva aos participantes a coñecer diferentes espazos naturais da provincia e na que poden participar tanto membros da comunidade universitaria como os externos a ela.