Actualidade

A policía incrementou a vixilancia das ramplas automáticas que están distribuídas pola cidade durante os últimos días tras varios intentos de sabotaxe

Ramplas mecánicas da rúa Concordia

A Policía Local comezou a interceptar e identificar os primeiros sabotadores das ramplas mecánicas da cidade de Ourense. Estas persoas actúan de madrugada e foron gravadas polas cámaras que protexen estes elementos.

Desde hai aproximadamente 15 días e especialmente as noites do venres e o sábado, a Policía Local de Ourense, incrementou a vixilancia das ramplas automáticas que están distribuídas pola cidade para facilitar a mobilidade da veciñanza ourensá.

Estas persoas terán que asumir a multa e a responsabilidade patrimonial, é dicir, os gastos derivados da súa reparación e posta en funcionamento.