Axudicada a construción dun novo sistema de elevación vertical na Avenida de Marín
A Xunta de Goberno Local do Concello de Ourense aprobou 22 acordos na súa se-sión ordinaria desta semana, que se desenvolveu no mediodía deste xoves, 3 de abril, no salón de plenos. Entre eles, adxudicou a execución das obras dun sistema de elevación vertical na Avenida de Marín ao seu paso pola Avenida de Santiago.
Os traballos teñen un orzamento de 342.000 euros e serán asumidos polo Concello co apoio de fondos procedentes do Plan de Recuperación, Transformación e Resi-liencia, financiado pola Unión Europea a través do Fondo Europeo de Recuperación Next Generation EU.
Tamén se aprobou prorrogar por un ano o contrato do servizo de mantemento de aparellos elevadores, salva-escaleiras, portas corredoiras de cristal e barreiras e portóns dos edificios municipais do Concello.